Om forfattarane

Kunst og handverk

Trude Kallestad

Trude Kallestad er adjunkt ved Ådnamarka skole i Bergen kommune. Ho har lang undervisningserfaring, mest frå mellomtrinnet, men òg frå ungdomstrinnet. Som lærar synest ho det er viktig at elevane får øve seg på å stå i kreative prosessar, prøve ut eigne idear, tenke nytt og prøve og feile. Dette er viktige kunnskapar for å møte framtidas utfordringar. Trude har tidlegare gitt ut lærebøkene «Kunst- og håndverkstimen» (1.–7. trinn) og «Kunst, håndverk, teknologi og design». Saman med Janne Lepperød dreiv ho maleskulen «Minilangelo» – ein maleskule for barn i alle aldrar.

Janne Lepperød

Janne Lepperød er adjunkt med lang erfaring frå barne- og ungdomsskulen. Ho har tidlegare jobba som kreativ leiar for maleskulen «Minilangelo», kultursjef i Tjøme kommune og jobbar no som formidlingskonsulent i Kunst i skulen. Janne har utgitt lærebøkene «Kunst- og handverkstimen» (1.–7. trinn) og «Kunst, handverk, teknologi og design». Som forfattar er ho oppteken av at elevane skal få utvikle sine eigne skapande krefter gjennom utøving, sansing og tenking. Utforskinga av berekraftig materialbruk gir også kunst- og handverksfaget ei spesiell moglegheit for å utvikle miljøbevisstheit hos elevane.

Eva Lutnæs

Eva Lutnæs har ein doktorgrad om standpunktvurdering i grunnskulefaget kunst og handverk frå Arkitektur- og designhøgskolen i Oslo. Ho arbeider som lektor i kunst og handverk på ungdomstrinnet og postdoktor i forskargruppa Design Literacy ved Høgskulen i Oslo og Akershus. Som lektor, forskar og forfattar utviklar ho strategiar for skapande arbeid der verda utanfor blir trekt inn i verkstadene og utfordrar elevane til etiske val i arkitektur, design og visuell kommunikasjon. I praksisen som lektor utforskar ho korleis elevane kan formidle forteljingar og skape visuelle uttrykk med utgangspunkt i verk frå kunsthistoria og samtidige bilete.

Musikk

Aria Senemar

Aria Senemar har mastergrad i musikkvitskap frå Universitetet i Oslo, i tillegg til studium i nordisk språk og litteratur. Som forfattar ønsker han å utvikle læremiddel som hjelper elevane i å tileigne seg strategiar for å kunne utforske tema dei sjølv synest er interessante. Aria har brei erfaring med undervisning frå Osloskulen, og er spesielt oppteken av god vurderingspraksis og arbeid med grunnleggjande ferdigheiter i alle fag.

Holgar Johannesen

Holgar Johannesen har lærarutdanning frå lærarskulen i Torshavn på Færøyane og mastergrad i musikkvitskap frå Universitetet i Oslo. I masterutdanninga jobba han spesielt med læreplanar i musikkfaget for grunnskulen. I eit samfunn der fleire i større og større grad blir passive lyttarar til musikk, synest Holgar det er viktig at elevane skal få oppleve gleda av aktiv musisering. Holgar har jobba i Osloskulen i 6 år og undervist pianoelevar i 14 år. Som undervisar og forfattar er han oppteken av å utnytte dei moglegheitene som moderne teknologi gir i form av videoar, lydfiler, appar og liknande.

Mat og helse

Rannveig Førland

Rannveig Førland jobbar som universitetslektor ved OsloMet, storbyuniversitetet, og underviser lærarstudentar i mat og helse. I tillegg er ho lektor ved Solvang ungdomsskole i Asker. Rannveig er utdanna faglærar, og har hovudfag i ernæring, helse og miljø. Ho har fleire års erfaring i å undervise i mat og helse på ungdomstrinnet, og kjenner målgruppa godt. Ho brenn for mat og helsefagets plass i skolen, og er opptatt av å formidle matglede, livsmestring, og kunnskap om mat, ernæring og helse blant unge menneske.

Hanne Müller

Hanne Müller er dr.philos. og førsteamanuensis i mat og helse ved OsloMet, storbyuniversitetet. Ho er utdanna faglærar i ernæring, helse og miljø, ernæringsfysiolog og bedriftsøkonom. Hanne har lang erfaring med å undervise og rettleie lærarstudentar i mat og helse, og er medforfattar av bøker. Ho har tidlegare forska spesielt på samanhengen mellom feittsyrer og blodlipid. Ho forskar no mest på aktiv læring som pedagogisk metode.