Om Verkstaden

Verkstaden er eit heildigitalt læremiddel for faga kunst og handverk, mat og helse og musikk for ungdomstrinnet. Innhaldet er variert og tilpassa læreplanen slik at du kan drive spennande og kvalitetssikra undervisning. Samtidig gir Verkstaden elevane god støtte i førebuing til timar, prøver og prosjekt, og er godt eigna til omvend undervisning.

Oppbygning av nettstaden

Kapitla inneheld nok stoff til at du kan bruke nettstaden som ei digital lærebok. Kvart kapittel er bygd opp av:

• undervisningsfilmar og bilete
• teori
• «gjere»-videoar
• oppgåver

I Verktøykassa til høgre finn du òg alle videoane og bileta som ligg under kapitla, i tillegg til lenkesamling, vurderingsskjema mm.

Søkefunksjonen øvst på sida lar deg søke etter alt frå aktivitetar og epokar til materiale og undervisningsressursar.

Tidslinjene viser utviklinga i kunst- og musikkhistoria i grove trekk.

Tema

Elevane presenterast for ulike emne gjennom videoar, intervju, bilete, tekstar, gjerefilmar og oppgåver.

Kunst og handverk

• Med pinnar, krok og nål – lær strikking og hekling
• Å teikne med lys – fotografi, teori og praksis
• Snurr film! – film, teori og praksis
• To to, betal for tre! – reklame, logo og marknadsføring
• Korleis seie mykje med lite – visuell kommunikasjon og symbolbruk
• Levande spor – lær meir om mønster
• Set DEG inn i kunsthistoria – kunst og kunsthistorie
• Stol på meg – redesign
• Bill.mrk. Blåmeis søkjer krypinn – korleis bygge med tre
• Minihytta – arkitektur og miljøperspektiv
• Design forbetrar verda – lær meir om design

Musikk

• Spel i veg – lær eit instrument
• Dance like nobody’s watching – lær ein dans
• Musikk non stop – les om musikk
• Rockehistoria – frå blues til The Beatles
• Notasjon – språket til musikken
• Å skrive om musikk – utforsk musikken rundt deg

Mat og helse

• Lag maten! – frå råvarer til ferdig mat
• Mat og berekraft – matproduksjon, berekraft og miljø
• Et sunt! – les om næringsstoff og råvarer
• Server maten! – matkultur, tradisjonar og måltid

Tips

• Du kan lenke direkte til alle videoar og sider i Verkstaden og legge dei inn i digital kommunikasjon med elevane, ved å kopiere adressa i adresselinja når du er på den staden du ønsker å dele.
• Mange av filmane er lagt opp slik at elevane kan bruke dei som ein hjelpelærar i timen, enten på sin eigen datamaskin eller mobil, eller ved at du set videoane til å gå i loop på tavla.

Deling av undervisningsvideoar og opplegg

Som lærarar veit vi at uansett kor mykje fint materiell vi lagar, er det alltid noko som manglar. Derfor er kongstanken bak Verkstaden at det skal gå an å bygge vidare på malen med eigenproduserte videoar. Vi tar gjerne imot dine undervisningsvideoar og opplegg! Ta eventuelt kontakt med redaktør Cathrine Falck, cathrine.falck@fagbokforlaget. Du vil bli kreditert som opphavsperson og kan bestemme kor lenge videoane skal vere tilgjengelege på nettstaden.